Ohin Loron Mundial Merenda/Alimentar Eskolar!! Globalmente World Food Programme/Programa Alimentar Mundial durante tinan 50 nia laran suporta ona nasaun liu 100 ba programa merenda/alimentar eskolar ka fo asistensia tekniku no transfere ba governu hodi toma responsabilidade tomak ba programa ida ne’e, iha nasaun liu 40 too ohin loron inklui Timor-Leste. Programa merenda/alimentar eskolar laos deit kona-ba aihan bikan ida…
...maibe programa ne’e foo benefisiu barak no kontribui ba Objetivu Dezenvolvimentu Sustentavel (ODS) sira hanesan:
- Edukasaun (ODS4): merenda eskolar bele ajuda labarik sira tama eskola no tuir aula durante tempu aprendizajen. Merenda/alimentar eskolar sai hanesan intervensaun ida nebe hatudu impaktu pozitivu iha partisipasaun eskola no mos hodi aprende.
- Igualidade Jeneru (ODS5): Merenda/alimentar eskolar bele ajuda aumenta partisipasaun feto iha eskola. Adisionalmente, nivel edukasaun as kontribui makaas ba redusaun kaben sedu.
- Nutrisaun no Saúde (ODS2 no ODS3): merenda/alimentar eskolar bele promove konsumu makro no mikronutriente adekuadu ba labarik sira, hodi bele redus mortalidade no aumenta kapasidade hodi aprende. Aihan ka merenda fortifikadu ho neneik redus numeru anemia ka menus ran no mos hadia estatutu mikronutriente.
- Protesaun no Seguransa Sosial (ODS1): merenda/alimentar eskolar bele redus pobreza liu hosi hasae ekonomia komunidade, tamba ba familia balun, valor hahan iha eskola 10% ekivalente ho rendimentu familia.
- Ekonomia no Agrikultura Lokal (ODS8): hola produtu lokal kria merkadu ida ne’ebe sustentavel, dezenvolve agrikultura lokal, kontribui ba transformasaun rural no mos haforsa sistema aihan lokal. Agrikultores sira dala barak maka inan-aman hosi estudante sira, ajuda sira hodi hapara siklu hamlaha no pobreza entre jerasaun.