Fundu Dag Hammarskjold ba jornalista sira agora simu inskrisaun ba jornalista profissional sira nebé hakarak tuir programa bolsa de estudo ba 2019. Prazu ba inskrisaun nee remata iha loron 1 Marsu 2019.
Bolsa de estudo sira nee disponivel mos ba jornalista ba radio, televisaun, media imprensa no Web, ba ema ho idade husi 25 to'oo 35, iha nasaun nebe sei desenvolve-an hela no iha interesse atu ba Nova York atu relata assuntu internasional durante Sessaun Assembleia Jeral Nasoens Unidas ba dala 74ª. Bolsa de estudo ida nee sei hahú iha Setembru no sei extende to'o fins de Novembru, no inklui mos custo viajen ba Nova York, alojamentu iha Nova York, no mos subsidio moris (per diem) durante iha nebá. Atu hatene liu tan kona ba informasaun ida nee, favor visita link.