PNUD ho KAK forma serbisu parseria foun atu haforsa transparensia no akuntabilidade iha Timor-Leste

Dili, 09 Julho 2018: Guvernu Korea liu husi ajensia KOICA suporta inisiative programa ho naran “Haforsa serbisu anti-korupsaun, transparensia no akuntabilidade ba sustanebilidade dezenvolvimentu Timor-Leste. Programa ne’e sei fasilita ba finalizasaun nomos aprovasaun planu estratejia anti-korupsaun nian ba dahuluk nomos sei hasae konesementu husi sidadaun hotu kona-ba impaktu negative husi korupsaun ba dezenvolvimentu.

Dokumentus projeitu nian asina ona husi PNUD ho KAK ohin iha Dili, hetan partisipasaun masimu husi Komisarius Anti-Korupsaun Timor-Leste, Sr. Aderito Tilman nomos reprezentante husi KAK, KOICA no PNUD nomos membru guvernu hanesan S.E Ministru Reforma Legislativa no Asuntu Parlamentar nomos Ministra Justisa.

Etapa ba dahuluk serbisu parseria entre PNUD ho KAK estabeleze ona iha tinan 2011-2013 ne’ebe foka liu ba oinsa melhora kapasidade institusional husi KAK ne’ebe foin forma, iha area partisipasaun civil, divulgasaun, melhora parseria no peskiza analitiku kona-ba issue korupsaun nomos oferese program treinamentu espesializada ba funsionarius investigasaun KAK nian.

Kordenador Rezidensia ONU no Reprezentante Rezidensia PNUD nian iha Timor-Leste, Sr. Roy Trivedy esplika katak “phaze inisiativa foun ida ne’e kona-ba serbisu parseria entre PNUD ho KAK sei foka liu ba iha aspeitu prevensaun hodi kombate korupsaun nomos sei serbisu hamutuk hodi bele adopta Planu Estratejia Anti-Korupsaun Timor-Leste nian ba dahuluk.

Ida ne’e hanesan pazu importante ida ba oin hodi bele kria kultura ne’ebe forte iha transparensia no akuntabilidade iha level sociadade sira hotu, ida ne’e laiha spasu ba korupsaun nomos ema hotu komprende, rekonese no luta ba hasoru pratika korupasaun. PNUD ho KAK sei serbisu hamutuk ba oin hodi dezenvolve parseria ho media, sociadade sivil nomos guvernu hodi bele halo nasaun Timor-Leste hanesan ezemplu positive ba nasaun seluk hodi halo tuir.

Haktuir aprovasaun Lei kona-ba Guverno Lokal nomos Lei Eleisaun Municipius nian husi Parlamentu Nasional in tinan 2017, Guvernu Timor-Leste planu atu hasae nian suporta ba projeitu komunidade sira iha level municipiu nomos suco, aumenta fundus fluksu ba governu lokal nomos haforsa liu-tan mekanismu imperativa serbisu kontrolu internal no ekternal hodi bele garantia transparensia no akuntabilidade iha prosesu decentralizasaun nian.

Atividades projeitu nian ne’ebe planea ona inkluindu estabelezementu nomos haforsa mekanismu ne’ebe ezisti iha level nasional nomos lokal hodi prevene korupsaun, fasilita sorumutu ba funsionarius publiku sira kona-ba aprovizionamentu no registrasaun nomos lisensa ba investimentu kompania estrajeiru sira, aumenta konesementu no inisiative dialogu hanesan debate publiku nomos seminariu ba joventude.

###  ###  ###

For more information and interviews:

UNDP Timor-Leste, Este endereço de email está sendo protegido de spambots. Você precisa do JavaScript ativado para vê-lo.


Imprimi   Email