'Governu Timor-Leste apoia maka'as ONU ba prosesu reforma ne'ebé sai dadaun iha Janeiru.  Koʼalia iha selebrasaun Loron ONU nian iha UN House Dili, Ministru rekoñese katak bee tenke sei nafatin hanesan prioridade dezenvolvimentu. UN Photo/Ian Mannix.

ONU Bolu atu Aselera Reforma Bee

Sekretáriu Jerál Nasoens Unidas iha Nova Iorke, realsa atu paíz hotu aselera esforsu hodi atinji metas objetivu dezenvolvimentu sustentável nian ne'ebé dezenya ona hodi hasai povu hotu husi mukit ka pobreza tinan 2030.

Deklarasaun ne'e Nasoins Unidas halo liu husi selebrasaun aniversariu ONU ba hitu-nulu-resin-tolu (73) hamutuk ho funsionáriu ONU, estudante, diplomata no reprezentante Governu Timo-Leste iha Uma ONU, iha Caicoli.

Koordenadór Rezidente Nasoens Unidas iha Timor-Leste, Sr. Roy Trivedi iha ninia diskursu ba bainaka sira, foka kona-ba bee iha Timor-Leste, nudar ezemplu nesesariu hodi bele atinji lalais nia objetivu. 

 "Governu Timor-Leste nasaun primeiru entre nasaun sira seluk iha mundu ne’ebé asina planu hodi alkansa ODS, maibé ita iha perigu kona ba bee," Sr. Trivedy dehan.

"Ita hotu nebe ohin iha ne’e, funsionáriu ONU, Governu, doadóres sira, parseiru sira no ONG sira - hotu presiza atu servisu hamutuk atu aselera prestasaun servisu kona-ba bee-moos ba povu hotu-hotu iha rai-laran. 

"Estatístika Nasoins Unidas nian hatudu katak kuaze metade hosi família hotu-hotu iha área rurál asesu bee hosi fonte inseguru, no familia 8 hosi família 10 rurál laʼo liu husi minute 30 atu hetan asesu ba bee. 

"Liu husi metade populasaun rurál la hetan asesu ba saneamentu báziku. 

"No besik metade husi eskola sira (46%) iha Timor-Leste la hetan asesu ba bee, iha de'it 35 porsentu mak iha sentina. 

 "Iha komunidade, kuru bee barak liu refere ba feto sira, laiha ba oportunidade seluk ba sira iha komunidade hodi dezenvolve sira nia konhesimentu. 

 "Ajénsia ONU WHO no UNESCO hamutuk ho kontribuinte barak seluk iha tinan kotuk halo mapamentu planu ida ba bee iha Timor-Leste. 

"Iha tinan ida ne’e ita rona katak El Nino bele hamenus durasaun tempu udan no halo udan menus liu normál ba parte hotu iha nasaun ne’e, nesesidade atu konserva no uza bee ho matenek mak importante liu. 

"Nasoens Unidas muda hosi uza bee plástiku ba bee botir ida/galun iha nia reuniaun Ida ne'e bele hatama husi empreza Timor-Leste, hodi kria empregu no servisu. 

"Nasoens Unidas ofisialmente lansa tiha ona loron ida ne'e iha 1945 ho asinatura - hosi nasaun kuaze hotu iha mundu - iha dahuluk karta ONU nian.  Nuneʼe, ho loron Nasoens Unidas nian selebrasaun sai ami nia kapasidade atu serbisu ba buat ruma di'ak liu ho hamutuk. 

"Nasoins Unidas envolve tiha ona iha moris ba ema hotu-hotu iha Timor-Leste dezde 1960 bainhira nia alista nasaun sira ba lista kona-ba nasaun ka Territóriu ne’ebe la ukun-an, tau iha ajenda polítika mundiál ba povu rejiaun ida-ne'e nia direitu ba auto-determinasaun. 

"Nasoens Unidas agora muda hosi períodu naruk misaun paz ba parseiru dezenvolvimentu nian ida iha Timor-Leste, no ita iha Nasoins Unidas simu ho laran-kontente kona-ba dezafiu sira ne'ebé define tiha ona ba ita husi komunidade globál - nasaun hamtuk 193 membru Nasoins Unidas nian - atu ajuda governu no povu Timor-leste kria mundu ida ne’ebé di'ak liu ba ema hotu-hotu, "Trivedy Sr. dehan. 

 Sr. Trivedy dehan "Papél ONU iha Timor-Leste nian mak atu ajuda governu hodi alkansa ninia objetivu atu atinji Objetivus Dezenvolvimentu Sustentável,". 

"Ha'u hakarak agradese ba Governu Timor-Leste ba ninia apoiu maka'as ne’ebé la pára atu suporta Nasoins Unidas.

"Timor-Leste asuwaʼin multilateralismu nanis. ONU iha Timor-Leste rona ba governu no mós ba setór privadu, doadór no parseiru sira. 

"Iha Loron Nasoens Unidas ba dala 73 lori ekipa ONU tomak nia naran, iha Timor-Leste no globalmente, haʼu konfirma dala ida tan ba povu Timor-Leste, ami nia determinasaun atu halo servisu, atu ajuda povu Timor-Leste hakbit mundu ida ne'ebé di'ak liu." 

Ba informasaun liu tan ka atu halo entrevista ba Sr. Trivedy, kontaku:

Laura Garcia

Tel: 77304619

Email: Este endereço de email está sendo protegido de spambots. Você precisa do JavaScript ativado para vê-lo.


Imprimi   Email