ONU iha Timor-Leste ho Komite Olimpiku Nasional ohin asina akordu

Atleta sira selebra parseria foun ba dezenvolvimentu sustentavel

 

ONU iha Timor-Leste ho Komite Olimpiku Nasional ohin asina akordu

 

Editorial Imprensa

 Favor hetan iha anexu komunikadu imprensa ida husi Nasoens Unidas relasiona ho iventu nebe mak halao iha Caicoli ohin dadersan.

 Fotografia sira neé bai ta bo’ot sira nia utilizasaun:

May 10, 2019

 

Atletas diak balun iha Timor-Leste sei sai rostu ba dezenvolvimentu sustentavel no sai sentru ba ajenda nasaun dezenvolvimentu.

 

ONU iha Timor-Leste ho Komite Olimpiku Nasional ohin asina akordu ida nebe rezulta foin sae barak sei hatene diak liu tan nesesidade dezenvolvimentu sustentavel no asume papel ka kna’ar lideransa nian iha komunidade.

 

Atletas hirak ne’e mos sei konyesidu nudar “ Ambasadores desportu ba dezenvolvimentu sustentavel”.

 

Rezidente Koordenador ONU iha Timor-Leste, Sr. Roy Trivedy, hateten desportu nudar fasilitador importante ida husi dezenvolvimentu sustentavel.

 

“Ami kontenti sai parseiru ba NOC iha Timor-Leste. Ami rekonyese kontribusaun desportu nian nebe lao dadauk hela ba realizasaun dezenvolvimentu no pas iha mundo tomak. Desportu promove toleransia no respeitu. Desportu fo mos kontibuisaun hodi haforsa maluk feto no foin sa’e sira, individus no komunidade, no mos ajuda impulsa objetivu hetan isin diak ka saude diak, edukasaun no inkluzaun sosial.”

 

Komite Olimpiku Nasional iha mos ninia filozofia ida nebe inspira no uniar Timor oan hotu atravez husi successu excelensia desportu nian.

Vise Primeiru Prezidenti, Sr. Mateus du Cruz de Carvalho hateten katak: “Ami nia organizasaun hari’I  hodi promove atletas timor-Leste laos atu hadiak no dezempenya iha sira nia kampu desportivus idak-idak, maibe mos atu sai modelu ba sosiedade liderandu iha aktividade komunitaria nian.

NOC viza mos insentiva ba partisipasaun iha desportu nudar dalan ida hodi konstrui karater ema ida nian, mantein saude nebe saudavel, prezerva meio ambiente no promove harmonia no interasaun sosial.

Objetivu dezenvolvimentu 17 nebe adotadus husi lidereis global isentiva nasaun sira hodi halo desizaun atu halakon ki’ak, kombate dizagualidade iha mudansa klimatiku, no garante katak ema ida sei la hela iha kotuk.

Selesaun atletas ba projetu ida ne’e hahu’u dadaun ona, no membru publiku iha tempu badak sei hare “Embaixadores ba Dezenvolvimentu”, nebe ho orgulho sei partisipa iha kampeonatu nani, iha Jogos Asiatiku tuir mai iha Olimpiku Toquio.

   

Captions

Koordenador Rezidente ONU iha Timor-Leste, Sr. Roy Trivedy (liman karuk) entrega kopia Objetivu Dezenvolvimentu Sustental ba Komite Olimpiku Nasional Vise Primeiru Prezidenti, Sr. Mateus du Cruz de Carvalho

 Koordenador Rezidente ONU iha Timor-Leste, Sr. Roy Trivedy (Liman Lo’os) asina akordu entre Komite Olimpiku Nasional Vise Primeiru Prezidenti, Sr. Mateus du Cruz de Carvalho

Atleta sira selebra parseria foun ba dezenvolvimentu sustentavel

REMATA

Atu hetan informasaun klaru bele kontaktu:

 

Roy Trivedy                                                                                         Laurentino Guterres

Rezidente Koordenador                                                                      NOC Timor-Leste

Nasoens Unidas iha Timor-Leste                                                        +77001453

Tel: 7723 1802

 


Imprimi   Email