Hasa’e investementu iha Joven no sira nia moris-diak agora mak importante tebes atu aproveita Timor-Leste nia oportunidade demografika: Relatoriu husi PNUD

Dili, 03 Abril 2018: Timor-Leste atu tama dadauk ba janela uniku ida tinan 30-40 ba oportunidade demografika ho potensialidade ba dezenvolvimentu ekonomiku no umanu ne’ebe lais. Enkuantu nasaun barak enfreta dezafiu husi sira nia populasaun idozus, Timor-Leste, segundu nasaun ne’ebe joven liu iha rejiaun Asia-Pasifiku, iha oportunidade atu transfere tulun ne’e ba socio-ekonomiku dividendu liu-husi loke potensialidade populasain joven sira nian.

Maibe, esforsu ne’e hasoru dezafiu husi numeru joven dezempregu ne’ebe hasoru vulnerabilidade oioin iha  moris diak, partikularmente iha edukasaun no vitalidade komunitaria. Investimentu ho kualidade no tarjetu tenke aumenta barak liu ba saúde, edukasaun no ekonomia agora, se lae Timor-Leste bele lakon oportunidade uniku atu hasae potensialidade dezenvolvimentu ba dekade hirak tuir mai.

Relatoriu Nasionál Dezenvolvimentu Umanu Timor-Leste 2018 ho titlu “Planeia Oportunidade ba Populasaun Joven ida” ne’ebé lansa ona husi Ministru do Konsellu de Ministry Adriano do Nascimento ohin, nia objetivu mak atu promove diskusaun publiku no formulasaun politika sira kona-ba investimentu iha joventude no sira nia moris-diak, nune’e bele benefisia husi potensialidade demografika dividendu. Relatoriu ida ne’e resultadu husi kolaborasaun durante tinan rua entre PNUD, Governo Timor-Leste no Universidade Flinders, Australia.

“Timor-Leste iha oportunidade uniku atu aselera ninia dezenvolvimentu umanu.” Hateten Sr. Roy Trivedy, Kordenador Rezidente Nasaun Unidas no Reprezentante Rezidente PNUD“Ida ne’e so bele aproveita liu husi jerasaun joven feto no mane sira ne’ebe iha kbiit, abilidade, edukasaun diak, no preparadu atu kontribui totalmente iha prosesu konstrusaun nasaun.”

Timor-Leste mak nasaun ida joven liu iha mundu ho prosentu 74 husi populasaun ne’ebe ho idade 35 anos ba kraik, sai hanesan nasaun foinsae daruak iha regiaun Asia-pasifiku depoisde Afghanistaun, no globalmente joven liu ba dala 15. Tanba ne’e, joven sira iha potensialidade boot atu halao sira nia  knaar importante hodi  realiza nasaun ne’e nia aspirasaun ba futuru dezenvolvimentu.

Relatoriu ne’e sukat joven ho idade entre 15-34 sira nia moris-diak iha aspetu 8 (walu) moris-diak nian bazeia ba survei iha  nasaun laran tomak. Survei ne’e hetan katak tres quartos husijuventude sira iha Timor-Leste laran tomak konsidera sira nia an iha kondisaun saude diak no moris satisfatoriu jeralmente, maibé, survei  ne’e mos hetan katak 80% liu joventude sira esperensia limitasaun oioin iha edukasaun no vitalidade komunitaria.    

“Lideransa politika sira, ofisial governu, negosiador, lideransa komunitariu no parseria dezenvolvimentu sira iha responsabilidade atu investe iha joventude sira moris diak. Ita presiza loke potensialidade ba jerasaun populasaun joven atu kontribui efetivamente ba dezenvolvimentu Timor-Leste nian atu ajuda kria prosperiadade no sustentabilidade futuru ba hotu-hotu.”

Investementu la adekuadu  iha edukasaun no treinamentu ba grupu juventude sira ne’ebé dezempregu  ne’ebe sente la perparadu ba no falta abilidade nesesariu ba asesu serbisu  ne’ebe diak. Ida ne’e intensifikasaun ba joventude feto no feto foinsae ne’ebe dezvantajen liu atu partisipaiha edukasaun no ekonomiatanba  papel jeneru. Joven sira mos konsidera katak apoiu ne’ebe sira simu husi sira nia komunidade limitadu enkuantu liu pursentu 75 iha preokupasaun nivel ass relasiona  ho protesaun no seguransa.

Hare katak  taixa moris nian tuun iha tinan hirak liu ba no jenela oportunidade demografika ne’ebé mai dadauk, relatoriu  ne’e propoin katak dezenvolvimentu umanu bo’ot liu no GDP per kapita bele sae husi $2,619 iha tinan 2015 ba $15,375 iha 2030 bele atinji se  intervensaun iha edukasaun no ekonomiaakompania hoho hasae asesu ba servisu saude reproduktiva.

Relatoriu ne’e rekomenda alokasaun pursentu 25 husi orsamentu estadu ba edukasaun no treinamentu no  reforma oioin atu alkansa edukasaun ne’ebe iha kualidade diak no transformasaun ba joventude ne’ebe lativu ekonomikamente sai emprendedor  iha agrikultura, turismu no setór ekonomiku seluk nian iha ne’ebe hatudu potensialidade ba krezimentu.

       ###  ###  ###

REPORT CONTACT

Project Manager and Principal Author: Dr. Merve Hosgelen:Este endereço de email está sendo protegido de spambots. Você precisa do JavaScript ativado para vê-lo. / +670 73496408

MEDIA CONTACTS

UNDP Timor-Leste, Felisberta Moniz da Silva:  Este endereço de email está sendo protegido de spambots. Você precisa do JavaScript ativado para vê-lo./ +670 780 23310 (Tetun and English)

UNDP Timor-Leste, Jennifer Harrison: Este endereço de email está sendo protegido de spambots. Você precisa do JavaScript ativado para vê-lo. / +670 77087058 (English)

NOTAS BA EDITORES

Relatoriu Nasional Dezenvolvimentu Umanu Timor-Leste dala 4 ne’e colaborasaun ho Governo Timor-Leste, PNUD no Universidade Flinders, Australia. Ida ne’e ho objetivu atu promove diskursaun publiku no formulasaun politika haleu realizasaun ba estrutura idade joventude, investe iha joven no sira nia moris-diak ba benefisiu husi potensialidade demografika divindo. Relatoriu ne’e hanesan xave ba foti dezisaun bazeia ba evidensia atu hadia dezenvolvimentu umanu no moris-diak iha Timor-Leste, partikularmente entre joventude buka iha relatoriu: http://bit.ly/TLNHDR2018

PNUD halo parseria ho ema hotu iha nivel sosiadades atu ajuda dezenvolve nasaun ne’ebe tahan krezimentu,  haburas no hametin krezimentu ho kualidade moris ba ema hotu. Iha rai ne’e besik 170 nasaun no territoria, ami oeferse perpektiva global no vizaun lokais atu haforsa moris no haburas reziliente nasaun.


Imprimi   Email