Diskursu Sr. Roy Trivedy, Kordenador Residensia ONU iha loron ONU

Diskursu Sr. Roy Trivedy, Kordenador Residensia ONU iha loron ONU

BENVINDU

  • Sua Exa Mr. Fidelis Manuel Leite Magalhaes, Ministru Reforma Lejizlativa no Asuntus Parlamentares
  • Sua Exa Demetrio de Amaral de Carvalho, Sekretáriu Estadu Ambiente
  • Karu Ambassador, Parseiru Dezenvolvimentu, Sosiedade Civil, Funsionariu ONU no sst.

Bondia señores/as…

Loron diak ba ita hotu no benvindu mai iha selebrasaun Loron Nasoins Unidas, no iha loron moris ONU nian ida nee, hau partikularmente hatoo mos benvindu ba funsiunariu ONU hotu nebe honradu ba eventu loron ohin, no mos parseiru sira husi Governu, Organizasaun naun-govermental, doadores no parte interesada nebe mai hamutuk ho ami ohin, tamba ita hotu halo esforsu hamutuk hodi hadiak maluk Timor oan hotu nia moris.

Suporta husi komunidade internasional ita hotu hare iha nee ho parseria hamutuk ho: sosiedade sivil, Organizasaun naun-governmental, akademia; familia no komunidade, embaixada no komunidade diplomatiku; no emprezariu nebe servisu hamutuk hodi ajuda governu no povu Timor-Leste atu atinji sira nia aspirasaun.

Ohin ita mos sei marka aniversariu seluk ida nebe importante ba nasaun dezenvolvidu – tinan ida nee, iha fulan Dezembru, ita sei selebra aniversariu ba dala hitu-nulu (70) ba Deklarasaun Universal Direitus Humanus nian.

Ohin ita mos sei hare video badak ida kona ba Deklarasaun Universal Direitus Humanus nian ba dala hitu-nulu (70) nebe sei explika kona ba oinsa signifikante tebes asuntu ne iha  iha tempu neba no tamba sa signifikante liu tan iha tempu agora. Hau enkoraja imi mos atu kolia kona ba direitus humanus ho ami nia Asessor Direitus Humanus, Sra. Anjet Lanting ho nia ekipa kona ba oinsa ita inkorpora Direitus Humanus hanesan kestaun transversal nebe sustenta ita nia servisu hotu. 

Be’e maka sentru ba ODS oin-oin, hanesan: 1. Saude, 2. Edukasaun, 3. Igualidade Jeneru, 4. Prosperidade no 5. Paz. Servisu Umanitariu no suporta ema hotu hodi alivia impaktu husi dezastre no mudansa klimatiku. 

Iha tinan ne'ebé hateten katak El-Nino sei redus tempu udan no sei lori udan ben nebe menus hanesan tempu bai-bain, importante bai ta atu konserva be’e diak liu tan.

ONU halo mudansa uza botir plastiku dala-ida deit iha enkontrus no seminariu no iha gabinetis sira, ba iha uzus be’e iha botir ka garafa bot sira. Ida nee bele sosa iha emprezariu sira, kria servisu no abilidade profisionais. Imi sei rona kona ba nee husi grupo emprezarial foin sae sira iah tempu badak no hau rekomenda imi hotu hodi halo tuir, halo redusaun ba uzus botir plastiku dala-ida deit. 

Iha Loron ONU ba Hitu-nulu-resin-tolu (73) ida nee, reprezenta ekipa ONU hotu, iha Timor-Leste no mos mundu tomak, hau hakarak konfirma dala ida tan ba komunidade Timor-Leste ami nia determinasaun hodi halao no kompleta ami nia servisu.

 

Obrigado Barak.


Imprimi   Email