Nasoins Unidas congratula povu Timor-Leste nebe atinji tan ninia demokrasia maravilozo ida – aniversariu nasionalidade ida nebe inspira mundu.
Dili: 20 May, 2019 (_Pics Ian Mannix UN)
Rezidenti Koordenador ONU iha Timor-Leste uza aniversariu ida ne’e hodi fo hanoin fali ema hotu kona ba liafuan ka mensajen matebian Sr. Kofi Annan, Eix Secretariu Jeral ONU, nebe colia iha incamentu bandeira foun Timor-Leste ba dahuluk, iha minutu rua antes tama ba meia-noite iha loron 19 de Maio, 2002.
“Ho loron foun mossu mai mos etapa foun ida ba Timor-Leste. Imi nia identidade nudar ema independenti rekonyese ona iha mundo tomak.
“Iha tempo ida ne’e, fo onra mos ba sidadaun Timor-Leste hotu nebe luta ba independesia ida ne’e. Ita sei fo mos homenajen ba sira nebe horas ne dadauk la hamutuk ona ho ita – maibe sira iha mehi ba momentu ida hanesan ne’e. Ida ne’e nudar sira nia loron mos.
Hau hato’o saudasaun ba imi – povu Timor-Leste – ba imi nia korajen no mos preseveransia nebe imi hatudu ona.
“Katak nasaun nebe ki’ik bele inspira mundo no konsege dada ami nia atensaun nudar tributu nebe a’as liu nebe hau bele selu ba imi.”
Sr. Trivedy husu Timor oan hotu kontinua hatudu sira nia korajen no preseveransia iha dalan ba sustenabilidade ekonomiku, sosial and ambiental, nudar forma ida hodi bele kontinua inspira mundo tomak.
“Timor-Leste sei ba iha plataforma ida tinan ne nia laran iha Nova Iorke hodi entrega revizaun husi progresu sosial no ekonomiku nasaun ida ne’e,”Sr. Trivedy hateten.
“Imi hotu tenki orgulu, maibe Timor-Leste sei la alkansa ninia objetivu nebe nia halo ona se laiha determinasaun ba saida maka Sr. Annan kolia ona.
Sr. Annan, nudar amigu bot diak ida ba povu Timor-Leste, nebe iha momentu neba hateten: “Hau laiha duvidas katak imi sei kumpri imi nia papel foun – nudar sidadaun Timorense no mundu – ho espiritu no suksesu bo’ot.
“Hau hato’o hau nia dezeju futuru ida nebe nabilan no seguru bai mi hotu.”
“Timor-Leste sai ona nasaun nebe seguru liu iha tinan 17 ikus mai. Maibe future nebe nabilan hanensan saida maka Sr. Annan kolia nudar ema nebe hamlaha; ema hotu tenki hetan uma ka hela fatin no servisu nebe desente; katak ema feto sira hetan konsideirasaun no labarik sira hetan kuidadu, no meio-ambiente nia prezente mos valorizadu. Obteivu balun hetan ona alkansa ona maibe suksesu balu sei mossu tan mai wainhira espiritu kontinua brilha ka naroman,”Sr. Trivedy hateten.
“Tinan ida ne’e tamba sei reve progresu nebe halo oan iha area hotu – hotu iha Timor-Leste, hau enkoraja hotu-hotu atu halo avaliasaun ba iha kompromisu dezenvolvimentu iha nasaun maravilhozu ida ne’e, imi nia attitude hasoru maluk feto sira, labarik sira no mos maluk sira nebe vulneravel.
Iha 2002, Sr. Annan promete relasaun duradu ida ho povu Timor-Leste.
“Nia dehan: “Hau profundamente orgulu ho parseria entre povu Timor-Leste no Nasoins Unidas. Hamutuk, ita sei kontibui hodi hari’i fundasaun ida nebe forte ba futuru ida nebe prosperu no demokratiku.”
Nasoins Unidas iha Timor-Leste sei permanese firme iha ninia determinasaun hodi servisu iha parseria hodi alkansa Timor-Leste ninia objetivu.
No ba iha “futuru ida nebe nabilan no seguru” nebe Sr. Annan refere ba.
Atu hetan liafuan ka mensajen kompleta husi Sr. Annan ninia diskursu no video, favor vizita Nasoins Unidas iha Timor-Leste ninia website: www.Un.org.tl
