Komunikadu Imprensa

WFP fornese aihan nutritivu ba Ministeriu da Saúde hodi eradika malnutrisaun iha Timor-Leste

DILI: Programa Alimentar Mundial (PAM/WFP) suporta grupu vulneravel balun iha Timor-Leste hanesan inan isin-rua no inan fo-susu no mos labarik tinan lima mai kraik atu bele moris saúdavel liu hosi fornese aihan nutritivu ba Ministeriu da Saúde.

Ministeriu da Saúde no PAM/WFP asina konkordansia ne’ebe governu halo doasaun ho montante $210.000 hodi suporta tratamentu ba malnutrisaun aguda moderadu ba inan isin- rua, inan fo-susu no labarik tinan lima mai kraik.

Ida ne’e sei suporta hosi doasaun aihan nutritivu ho montante 122 metric ton hosi PAM/WFP, kompostu hosi Super Cereal 110 mt no Ready-to-Use Supplementary Foods (RUSF) 12mt ne’ebe sei ajuda garante inan no labarik sira hodi hetan nutrisaun ne’ebe sira persija.

Aihan hirak ne’e ofisialmente entrega iha serimonia ne’ebe halao iha Dili, hosi Diretor PAM/WFP, Dageng Liu ba Vice Ministru Saúde ba Dezenvolvimentu Estratejiku Saúde S.E Bonifácio Mau Coli dos Reis.

Durante serimonia ne’e, S.E Bonifácio hateten “Ministeriu Saúde apresia parseria diak ho PAM/WFP hodi tau matan ba malnutrisaun iha Timor-Leste. Ita sei kontinua kompromete rekursu nasional no husu suporta hosi parseiru no doadores hodi tau matan ba numeru malnutrisaun ne’ebe sei as iha Timor. Importante atu kontinua suporta komunidade vulneravel sira hodi bele moris saudavel,”

Dageng hateten “PAM/WFP elojia kontribuisaun governu nian ba programa importante ida ne’e, ne’ebe sei kobre nesesidade hosi inan isin-rua no inan fo-susu liu ema nain 18,000 no mos labarik feto no mane tinan lima mai kraik hamutuk 6,500 sei benefisia hosi ne’e, no mai hosi munisipiu 6 – Ainaro, Bobonaro, Covalima, Dili, Ermera no Oecusse. Dageng mos akresenta, “PAM/WFP iha kompromisu hodi suporta Timor-Leste atu atinji Objetivu

Dezenvolvimentu Sustentavel, inklui eradika hamlaha no halakon tipu malnutrisaun hotu-hotu” 

Ministriu Saúde kompromete hodi redus tasa malnutrisaun iha Timor-Leste no halao ona parseria ho PAM/WFP desde 2007 hodi fornese aihan suplementu nutritivu ba inan no labarik sira. Parte rua ne’e servisu hamutuk hodi hasae konsensia kona-ba importansia diversidade aihan no konsume produtu lokal ne’ebe nakonu ho nutrisaun.

Programa Alimentar Mundial – salva vida iha tempu emerjensia no muda moris ba ema milaun liu hosi dezenvolvimentu sustentavel. PAM/WFP servisu iha nasaun 80 liu iha mundu, fornese aihan ba vitima konflitu no dezastre, no mos prepara baze ba futuru ne’ebe diak.

Follow ami iha Twitter @wfp_media and @wfp_asia

Informasaun klaru bele kontaktu:

Crispin da Costa Araujo, Ofisial Programa, WFP Timor-Leste

Tel: +670 786 68635, e-mail: Este endereço de email está sendo protegido de spambots. Você precisa do JavaScript ativado para vê-lo.

Kontaktu Ami

UN House, Caicoli Street
Dili, Timor-Leste
PO BOX 008
Telp: +670 333 333
E-mail: info@un.org.tl